உலகக் கிண்ண தகுதி சுற்று ஆட்டம்: அர்ஜெண்டினா சமநிலை

கராகாஸ்:

உலகக் கிண்ண தகுதி சுற்று ஆட்டத்தில் அர்ஜெண்டினா அணியினர் சமநிலை கண்டனர்.

மோனுமென்தல் அரங்கில் நடைபெற்ற ஆட்டத்தில் அர்ஜெண்டினா அணியினர் வெனிசூலா அணியை சந்தித்து விளையாடினர்.

விறுவிறுப்பாக நடைபெற்ற இந்த ஆட்டத்தில் அர்ஜெண்டினா அணியினர் 1-1 என்ற கோல் கணக்கில் வெனிசூலா அணியுடன் சமநிலை கண்டனர்.

அர்ஜெண்டினா அணியின் கோலை நிகோலஸ் ஓத்மாடி அடித்த வேளையில் வெனிசூலா அணியின் கோலை சோலமன் ரோண்டன் அடித்தார்.

மற்றொரு ஆட்டத்தில் பொலிவியா அணியினர் 1-0 என்ற கோல் கணக்கில் கொலம்பியா அணியை வீழ்த்தி வெற்றி பெற்றனர்.

ஈக்குவடோர் அணியினர் கோல் எதுவும் அடிக்காமல் பராகுவே அணியுடன் சமநிலை கண்டனர்.

- பார்த்திபன் நாகராஜன்