ஐரோப்பிய தேசிய லீக் கிண்ணம்: இங்கிலாந்து தோல்வி

லண்டன்:

ஐரோப்பிய தேசிய லீக் கிண்ண கால்பந்துப் போட்டியில் இங்கிலாந்து அணியினர் தோல்வி கண்டனர்.

வெம்பளி அரங்கில் நடைபெற்ற ஆட்டத்தில் இங்கிலாந்து அணியினர் கிரீஸ் அணியை சந்தித்து விளையாடினர்.

விறுவிறுப்பாக நடைபெற்ற இந்த ஆட்டத்தில் இங்கிலாந்து அணியினர் 1-2 என்ற கோல் கணக்கில் கிரீஸ் அணியிடம் தோல்வி கண்டனர்.

சொந்த அரங்கில் களமிறங்கிய இங்கிலாந்து அணியின் இந்த தோல்வி அதன் ரசிகர்களுக்கு ஏமாற்றத்தை அளித்துள்ளது.

மற்றொரு ஆட்டத்தில் பிரான்ஸ் அணியினர் 4-1 என்ற கோல் கணக்கில் இஸ்ரேல் அணியை வீழ்த்தி வெற்றி பெற்றனர்.

இத்தாலி அணியினர் 2-2 என்ற கோல் கணக்கில் பெல்ஜியம் அணியுடன் சமநிலை கண்டனர்.

- பார்த்திபன் நாகராஜன்